كباشي: يمنع دخول اللافتات السياسية لمعسكرات المستنفرين
متابعات- صدى السودان
قال الفريق أول ركن شمس الدين كباشي نائب القائد العام للجيش السوداني، إن معسكرات المقاومة الشعبية يجب أن لا تستغل لأغراض سياسية، ومن يحمل لافتة سياسية لا يدخل معسكرات وممنوع التصوير داخل داخل المعسكرات من اليوم.
وأشار كباشي خلال مخاطبته تخريج قوات من حركة تحرير السودان، بالقضارف اليوم إلى أن الحرب هي استثناء، والأصل هو السلام، وأضاف “لكن السلاح ما بنخته، عشان كدة بنقول أي دعوة صادقة للسلام ما عندنا فيها مشكلة، لكن ما بنوقف حرب ومافي هدنة زي السابق”.
وتابع “شاكرين لكل الجهود التي يقوم بها الوطنيين في الداخل والأصدقاء في الخارج، لكن أي زول عنده جهد يمشي يجيب صك من المتمردين ويتفق معاهم على آليات محاسبة وتعويض الناس التي نهبت ممتلكاتهم كلها، وخروج المليشيا من البيوت والمدن والمؤسسات”.
وأضاف “مافي حاجة اسمها عفا الله عمّا سلف، سلام زي دة بنقبلوا وبنمشي فيه،ولحدي ما دة يحصل حرب بس وبندبِّل ليه ومافي تأخير نحن مستعجلين”.
